Material Termoegonkorrak

Konposite termoegonkorren esparruan, adituak gara formulazioak egiten (izaera orotako erretxina eta gehigarrien nahasteak) eta konpositea lortzen edo fabrikatzen. Hala, material ultrarinak, multifuntzionalak, iraunkorrak, suaren kontrakoak, halogenorik gabeak eta zehaztapen mekanikoak eta funtzionalak bete ditzaketenak garatu eta ezaugarritzen ditugu.

Gure jarduera teknologikoaren ildoak:

• Erretxina termoegonkorretan (poliesterra, epoxia, fenolikoak, furanikoak eta abar) oinarrituta formulatzen dugu, konposite termoegonkorrak transformatzeko prozesuetan aplikatzeko (SMC, BMC, RTM, infusioa, Filament winding, pultrusioa).
• Erretxina termoegonkorretan eta zuntzetan (beira, karbonoa) oinarritutako konpositeak garatzen ditugu, baita iturri natural berriztagarrietatik datozen materialetan (erretxina eta zuntz naturalak) oinarritutakoak ere.
• Aurreinpregnatuak garatzen ditugu, roving, mat eta ehun konbinazioen bidez, konpresio eta huts bidez transformatzeko.
• Ultramorez ontzeko eta mikrouhin bidez ontzeko teknologietara egokitutako formulazioak garatzen ditugu.
• Hormigoi polimerikoak garatzen ditugu.
• Material termoegonkorrak suaren kontrako bihurtzea. Eraikuntzaren eta trenbideen sektoreetako suarekiko portaeraren araudiak gainditzen dituzten konpositeak garatzen ditugu.