Inicio » Ensayos » Uraren zikloaren ikuskapena industrian

Uraren zikloaren ikuskapena industrian

Efluenteak ahalik eta gehien murriztearen azken helburua enpresak ingurumenean egindako inbertsioa optimizatzea eta ahalik eta errentagarritasun handiena lortzea da. Kutsadura jatorrian murrizteko estrategiak sustatzen dira, prozesuaren amaierako tratamenduak sinplifikatu edo saihesteko.

Isurketak ahalik eta gehien gutxitzeko estrategiak oinarrizko lan-metodologia etapa hauek ditu:

Uraren zikloa industrian aztertu.
Sortutako efluenteak ezaugarritu eta sailkatu.
Emariak neurtu.
Ikerketa bibliografikoa.
Zuzentzeko neurriak proposatu.
Egindako ekintzak ebaluatu.
Tratamendu, balorizazio eta berrerabilpen sistema definitu.
Proposatutako tratamendu sistemak ezarri, eta kontrolpean probatu.
Proposatutako sistema martxan jarri eta baliozkotu.
Arazketa-sistema teknikoki, ekonomikoki eta ingurumenari dagokionez baliozkotu.

Arazteko teknologien eta tratamenduen screening-ari esker, egokiena dirudien tratamendua edo tratamenduak aukeratuko dira, eta gero tratamendu horiek kontrolpeko proben bidez baliozkotuko dira.

Agiriak

Zerbitzuak bezeroarentzat duen balioa

Ekoizpen-prozesu baten etapa bakoitzean sortutako korronte likidoen ezaugarriak (osaera, emariak, aldakortasuna…) ezagutzea, horiek jatorrian minimizatzeko neurriak hartzea, hondakinak tratatzea, birziklatzea, zenbait konposatu berreskuratzea eta leheneratutako urak berrerabiltzea… oso interesgarria da edozein industria-motarako, bai ekonomiaren ikuspegitik (ura aurreztea, energia aurreztea, erreaktiboen kontsumoa murriztea, isurketa-kanonean aurreztea…), bai ingurumenaren aldetik (baliabideen arrazoizko erabilera (lehengaiak, ura, energia), efluenteak eta hondakinak murriztea, hondakinak azpiproduktu interesgarri bihurtzea…).

Zerbitzua GAIKERekin kontratatzearen abantailak

Ez gara erreaktibo edo ekipamenduen fabrikatzaile edo instalatzaile. Objektibotasuna eta inpartzialtasuna. Berariazko industria-prozesu bakoitzerako uraren zikloaren ebaluazioaren ikuskapen osoa egiteko aukera: sortutako efluenteen bereizketa, isurketak minimizatzeko hartu beharreko neurrien azterketa, tratamendu posibleen azterketa, aukeratutako tratamenduaren baliozkotzea, eta egindako aldaketen ondorengo ingurumen-ebaluazioa (bizi-zikloaren analisia, karbono-aztarna zehaztea, aztarna hidrikoa zehaztea) eta hasierako egoerarekin konparatzea. Horietan, esperientzia handia dugu (I+G+B+T), eta goi-mailako baliabideak eta ekipamendua ditugu. Tratamendu-probak egiteko pilotu mailako ekipamenduak ditugu. Kasu bakoitzerako tratamendurik egokiena optimizatzen eta baliozkotzen dugu. Ez dugu prozesu mota bakar bat probatzen, tratamendu eta tratamendu konbinatuen aukera zabala dugu, kasu zehatz bakoitzerako konponbide egokiena aurkitzeko. Enpresen ingurumen-arazoetarako konponbide errealak eskaintzen ditugu.

Aditu batekin hitz egin nahi duzu orain?

Miguel Romano

Bioteknologia merkatuko arduraduna