Gure azken berriak jaso nahi dituzu?
Harpidetu zaitez gure buletinera
Menu
Menu
Konpositeak eraldatzeko prozesu gehienetarako instalazio pilotuak ditugu, eta piezen kontzeptu-probak, erakusleak eta prototipoak lor ditzakegu zenbait tamaina eta eskalatan.
Pieza bakoitzerako eraldaketa-prozesu egokiena defini dezakegu, diseinuaren, material motaren eta ekoizpen-kadentzien arabera.
Konpositeak moldekatzeko prozesuak monitorizatzen eta kontrolatzen ditugu, sentsoreak, ikusmen artifiziala, monitorizazio teknologiak, AA eta digitalizazioa erabiliz.
GAIKERen instalazio pilotuetan teknologia hauek ditugu:
• Eskuzko ijezketa
• SMC, BMC
• Aurreinpregnatuak
• RTM, RTM light, C-RTM
• Infusioa
• Konpresioa
• Hutseko prentsaketa
• Filament Winding
• Pultrusioa
• Zinta bikoitzeko prentsaren bidezko ijezketa
• Norabide bakarreko zinta termoplastikoak egitea
• Mikrouhinekin ontzea
• UV bidez ontzea
• Moldeak 3d inprimatzea
Poliester, fenoliko, furaniko, epoxy, PU. sistemetarako, prozesuaren baldintzak eta prototipoen lorpena aztertzen ditugu
Material horien prototipo-loteak lortzen ditugu formulazio jakin baten arabera
SMC, prepregs eta beste material batzuen konpresio-prozesua eta prototipoak nola lortu aztertzen dugu
Beira-zuntzezko eta karbono-zuntzezko depositu eta hodien prototipoak egiten ditugu
Hainbat materialekin profilak egiteko prozesua eta prototipoen fabrikazioa aztertzen ditugu
Europako INFINITE proiektuaren helburua da hegazkinen egoerari buruzko informazio etengabea izatea haien bizi-zikloko edozein puntutan, material adimendunak eta hari gabeko teknologiak erabiliz.
Ekimenaren esparruan, sentsore integratuak dituzten konpositeak garatuko dira, material horien ezaugarriak monitorizatzeko fabrikaziotik azken birziklapenera arte, haien bizitza erabilgarria luzatu eta kalitatea hobetzeko.
COMVAC proiektuaren helburua da garraio-sektorerako material konposatuak fabrikatzeko prozesuak hobetzea. Egitura-osagai arinak fabrikatzeko, aurreinpregnatuetarako hutseko moldaketaren zelula automatizatua garatuz.
Proiektu honen helburua da tamaina handiko konpositeak fabrikatzeko prozesuak automatizatzeko antolaketa-eredu aurreratu eta adimendunetan oinarritutako fabrikazio-zelula berri bat garatzea. GAIKERen ikerketaren ardatza da erretxina injektatzeko prozesuak kontrolatzea eta automatizatzea, sekzio konstanteko errefortzu-aurreformak garatzea eta tren- eta ontzigintza-sektorerako erakusleak diseinatzea eta garatzea.
Proiektu honen helburua da konpositeen fabrikazioan eraginkortasun handiagoa lortzea, produktu bukatuen prestazioak hobetzea eta mantentze-lan prediktiboari aplikatu beharreko sistema garatzea, produktuaren bizi-zikloan eta ekoizpen-prozesuan. Proiektu honetan, GAIKER arduratu da RTM injekzio-prozesuan erretxina termoegonkorrak ontzeko moldea eta zinetika betetzeari buruzko datuak lortzeaz, moldea sentsorizatuz eta konpositean zuntz magnetikoak sartuz.
Helburua da RTM oso produktiboaren ekoizpen-prozesu bat sortzea, Industry 4.0 filosofia aplikatuz, kostuak murrizteko (produktibitate handiagoa eta errefusatze-tasa txikiagoa) eta balio erantsi handiko konposite-produktu berriak industrializatu ahal izateko automobilgintzaren sektorean. GAIKERen ikerketaren helburua izan da konpositeak fabrikatzeko metodoen sentsorizazioa zabaltzea, ez bakarrik ekoizpen-prozesuaren kontrola, baita bizitza baliagarrian mantentze-lan prediktiborako tresna gisa erabiltzea ere.
Eusko Jaurlaritzak diruz lagundua
Aurreinpregnatu termoegonkorren erabileran oinarritutako fabrikazio malguko teknologiaren garapena, serie motz pertsonalizatuak zein produktibitate handiagoa eskatzen duten serie luzeak lantzeko. Fabrikazio-prozesuan prozesuaren eta produktuaren simulazio- eta modelizazio-tresnak ezartzen dira, baita tartean diren etapen arteko monitorizazio- eta komunikazio-tresnak ere, erabateko kalitatea ziurtatzeko.
KAIROS proiektuaren helburua da konpositea, industria 4.0 eta biki digitala fabrikatzeko punta-puntako teknologiak ikertzea. Teknologia horiek ontzigintzarako material konposatuz egindako kalitatezko pieza handiak modu eraginkorrean, kostuak optimizatuta eta automatizazio-maila handiarekin fabrikatzeko soluzioa garatzea dute helburu.
GAIKERek proiektu honetan egin duen ikerketak hainbat lerro ditu ardatz, hala nola material konposatuzko piezen diseinuaren definizioa, infusio bidezko konpositearen fabrikazioaren kontrola eta automatizazioa, zuntz lehorreko errefortzuen aldez aurreko prestaketa, hutseko eta tenperaturako trinkotzearen bidez, eta prototipo funtzionalen garapena eta karakterizazioa.
Konposite termoplastikoak konposite termoegonkorren eta xafla metalikoaren alternatiba bikaina dira. Hala ere, merkatuan ezartzeko, haiek prozesatzeari lotutako muga batzuk gainditu behar dira. Helburu horrekin sortu da ZE-KOMP proiektua. Proiektu horretan, fabrikazio-prozesu optimizatu eta fidagarriak garatuko dira, prozesu horien jasangarritasuna hobetuko da ingurumenaren, kostuen eta fabrikazio-kadentzien ikuspegitik.
Eusko Jaurlaritzak diruz lagundua
Konposite eta polimero funtzional jasangarrien merkatuko arduraduna
Harpidetu zaitez gure buletinera
