Inicio » Polimero funtzional eta jasangarriak » Ontziak egiteko materialak

Ontziak egiteko materialak

I+G

Europar Batasunaren plastikoetarako estrategiak 2030erako ontzien % 100 birziklagarri izatea lortu nahi du. Batzordearen jakinarazpena, 2018ko urtarrilaren 16koa, «Plastikorako Europako estrategia ekonomia zirkular batean» izenekoa (COM (2018) 0028).

GAIKERen elikagai-ontzietan erabiltzeko materialak ikertzen ditugu

Ontziaren materiala birziklatzea ahalbidetzen duten estalduren garapena (adibidez: papera eta kartoia). Kontsumitutako elikagaiaren bizi-denbora hobetzeko babes-estaldurak bilatzen ditugu, eta baita jasangarritasunari laguntzea, erabilera bakarreko ontziak saihestuz.
Ontzi konpostagarriak garatzea, fast-food delakoan eta bizi-denbora laburretarako erabiltzeko.
Elikagaietarako erabiltzen diren ontzien berrerabilpena ebaluatzea, propietate mekanikoei, substantzien migrazioari eta abarri dagokionez.
Ontzi aktiboa. Ontzi aktiborako materialak ikertzen eta garatzen ditugu, substantzia antioxidatzaileak edo antimikrobianoak gehituz.

Saiakuntzak

Ekipamendua

Euskarri malguan estaldurak aplikatzeko eta ijezketa egiteko ekipamendua (pilotu eskala).

Estaldurak aplikatzeko teknikak, eta roll to roll zenbait teknologien bidezko inprimaketa: zuzeneko eta atzeko sakongrabatua, ijezketa, flexografia, meter bar-a, solventless-a eta hot-melta.

Puzte eta xafletarako casting estrusio-lerroa, tenperatura konstantean berotu daitezkeen arrabolekin eta hozteko arrabolarekin

Elikadura-xafla termokonformagarria lortzeko ekipoa.

Torloju bikoitzeko estrusio-makina eta kalandra.

Xafla estrusionatzeko ekipoa.

Termoformatzeko ekipoa.

Xafla apaingarria eta funtzionala moldekatzeko ekipoa. Erretilua eratzeko erabiltzen da.

Proiektu nabarmenak

UV ontze-coatingak eta ur-oinarriko coating itsasgarriak garatzea oxidazioarekiko sentikorrak diren produktuetarako. SENOX

Proiektuaren helburua da UV ontze-coatingak eta ur-oinarriko coating itsasgarriak garatzea, ontziaren oxigenoarekiko hesia hobetzeko. Hala, ontziak merkatuan duen bizitza luzatu ahal izango da, eta koipeak ez dira oxidatuko, horrek itxura desatsegina ematen baitio elikagaiari ikuspuntu komertzialetik.
Bi ontzi-prototipo lortzeko asmoa zegoen:
1.- IML etiketak (IML – In Mold Labeling), ontzian oxigenoarekiko iragazkortasuna murrizteko.
2.- Ijezketa konplexu malguak, hesi-ahalmen hobetuarekin (oxigenoarekiko iragazkortasuna murriztea).

SENOXeko GAIKERen jarduera IML etiketetarako erretxina bat lortzean oinarritzen da, azken ontzi poliolefinikoaren oxigenoarekiko iragazkortasuna murrizteko.

Eskualde Garapeneko Europako Funtsak (EGEF) kofinantzatua. Helburua: garapen teknologikoa, berrikuntza eta kalitatezko ikerketa sustatzea.

Develop and demostrate a mini-factory concept for production of personalized skin-care products for elderly population. SUPERFLEX.

Zahartzearen esparruko larruazalaren alterazioak esanguratsuak eta nabariak dira, eta, beraz, adinekoen bizi-kalitatea kaltetzen dute. Populazio horren garrantzi ekonomikoa izugarri ari da hazten Europan azken hamarkadan.

GAIKERek SuperFlex-en egiten duen jarduerak ingurumena errespetatzen duen kontzeptua du ardatz.  Produktu pertsonalizatuetarako ontzi ekologikoak hautatu eta ekoizten ditugu (industriarekin elkarlanean). Etiketen diseinua eta inprimaketa-teknologia egokiena definitu ziren.

High performance polyhydroxyalkanoates based packaging to minimise food waste. YPACK

Ekoizpena handitzea eta elikagaiak ontziratzeko PBHVn oinarritutako bi soluzio berritzaile komertzialki baliozkotzea: biopolimero polihidroxialkanoato mota bat (PHA); elikagaiekin kontaktuan egoteko film bat eta erabat konpostagarria den erretilu bat. Ontzi berri horrek elikagai-industriako azpiproduktuak erabiliko ditu (gazta-gazura eta almendra-oskolak), biodegradagarritasuna bermatuko du eta elikagaien hondakinak murriztuko ditu EBren ekonomia zirkularreko estrategiaren esparruan.

GAIKERek eskala pilotuan garatu eta baliozkotu ditu termoformatuaren eta FlowPack-en bidez % 100 biodegradagarriak diren ontziak, zeinak propietate hobetuak baitituzte.

Flow pack: CNC coating bat aplikatuz eta ondoren ijezketa eginez, geruza anitzeko filma egin daiteke Flow pack-erako.
Erretilua: geruza bakarreko eta geruza anitzeko filma garatuz erretilua eratzeko.

Proiektu honek Europako Batzordearen HORIZON 2020 ikerketa- eta garapen-programaren finantzaketa jaso du, 773872 zenbakidun kontratuaren pean.

Argitalpen zientifikoak

Aditu batekin hitz egin nahi duzu orain?

Rafael Miguel

Birziklapena eta Ekonomia zirkularraren merkatuko arduraduna