Menu
Menu
Compoundinga urtuta dauden polimero eta gehigarriak nahastuz eta/edo konbinatuz formulazio plastikoak prestatzea da, horrela nahi diren ezaugarriak lortzeko. Batez ere, gehigarriak nahasten dira, hala nola antioxidatzaileak, UV egonkortzaileak eta beste errefortzurako gehigarri edo osagai batzuk, beira-zuntza esaterako. Compoundinga, normalean, estrusio bidez egiten da. Harizpi forman estrusionatutako materiala hoztu egiten da eta nahi den tamainako grantzetan zatitzen da.
GAIKERen compounding teknologia erabiltzen dugu ez bakarrik propietate funtzional edo espezifikoak dituzten polimeroak lortzeko, baita material birziklatuak balorizatzeko ere; izan ere, gero eta sektore gehiagok eskatzen dute plastikozko produktuak fabrikatzeko lehengaietan material birziklatuak sartzea.
Hauek dira gure lan-ildo nagusiak:
Kontzentratu termoplastikoak eta 3D inprimaketa-material funtzionalak lortzeko ekipoa.
Monofilamentu termoplastikoak laborategian egiteko lerroa.
Estrusio-makina; dosifikatzaile grabimetrikoekin, arraste-sistemaren bidez pikortatzeko hari-makinarekin, eta gogortasun txikiko material urtuak grantzak egiteko makinarekin.
Injekzio-prozesua ikertzeko ekipoak.
Helburu nagusia da material termoplastiko birziklatuaren compounding prozesuaren trazabilitatea eta kontrola ezartzeko premia larriari erantzutea, iturri fosiletatik datozen jatorrizko lehengaien kalitate baliokidea ziurtatzeko. Berreskuratutako material plastikoen tratamendu- eta formulazio-prozesuan (estrusio bidezko compounding prozesua) laguntzeko metodologia eta tresna osagarri egokiak definitzea, ahalik eta kalitate handiena ziurtatzeko.
Proiektuaren helburua da prozesua aztertu, sentsorizatu eta datuak aztertzeko metodologia bat garatzea, ikusteko nola eragiten dion termoplastikoen injekzio-prozesuak birziklatze-materialaren aurrean. Prozesuaren aldagai nagusiak aztertuz, sarrera-materialaren propietateak, material birziklatua izatearen eta injektatutako piezaren kalitatean duen eraginaren arabera.
GAIKERek polipropilenozko (PP) compound berriak garatzen ditu, automobilgintzako osagaiak fabrikatzeko enpresaren ekoizpen-prozesuan erabiltzeko, polipropilenozko iturri birziklatuetatik abiatuta. Garapen horretan sartzen dira bai gaur egun erabiltzen diren produktuen karakterizazioa, bai oinarrizko lehengaiaren azterketan oinarritutako kontratipoen garapena, baita gaur egungo produktua hobetzeko gehitu beharreko gehigarriak, errefortzuak eta kargak ere, beharrezkoa bada.
BLUENETen helburua da Bizkaiko Golkoko SEko ur- eta arrantza-enpresetako itsas zaborra % 20-40 murriztea 2020rako. GAIKERen jarduera industria horietan erabiltzen diren sareak eta sokak birziklatzean oinarritzen da, arrantzako eta akuikulturako tresna berriak fabrikatzeko materialak garatzeko.
Konposite eta polimero funtzional jasangarrien merkatuko arduraduna
Harpidetu zaitez gure buletinera
