Birziklapen Mekanikoa

Esparru honetan gure helburua da berreskuratutako materialen zatiak ziklo ekonomikora itzultzeko moduko kalitate optimoarekin lortzea ahalbidetzen duten birziklatze-prozesu espezifikoak diseinatzea eta ebaluatzea.

Jatorri guztietako kontsumo ondoko hondakinetatik datozen materialen korronteen tratamendua da gure jarduera teknologikoaren ardatza. Ebaluatzeko, egokitzeko (ezaugarritzea eta moldatzea) eta bereizteko hainbat teknologia aplikatzen dizkiegu korronte horiei.

Gure bezeroen lehiakortasuna hobetuko duten soluzio teknologikoki berritzaileak eskaintzea da helburua.

Tratatzen diren hondakinak, besteak beste:

• Hiri-hondakin solidoak.
• Ontzi arinen hondakinak
• Erabiltzen ez diren ibilgailuak
• Aparatu elektriko eta elektronikoen hondakinak
• Eraikuntzako eta eraispeneko hondakinak
• Material konpositeen hondakinak
• Goraka ari diren hondakinak: CD eta DVD euskarriak, pantaila lauak, tonerra eta abar.
• Industriako hondakinak eta produkzio-lermak

Gure jarduera teknologikoaren ildoak:

• Hondakinak lagintzea eta ezaugarritzea
  • Izaera eta osaera zehaztea (materialak, elementuak, analisi kalorimetrikoa eta erregai gisakoa ...)
  • Egokitzea eta testurizatzea (ehotzea, birrintzea, garbitzea, lehortzea ...)
• Hondakinak kudeatzeko sistema integratuak garatzea eta ebaluatzea.
  • Hondakinak biltzeko logistika
  • Tratatzeko eta birziklatzeko eskemak
• Materialak fisikoki bereiztea eta purutasuna hobetzea
  • Dentsitatearen, formaren eta tamainaren arabera (hidrozikloiak, mahai dentsimetrikoak, bahe bibratzaileak...)
  • Elektromagnetismo bidez (bereizgailu elektrostatikoak, magnetikoak ...)
  • Beste propietate batzuen arabera (zatikatze termikoa, flotazioa...)
• Bereizteko identifikazio eta detekzio automatikoa
  • Polimeroak, gehigarriak, kargak eta indargarriak espektroskopien bidez identifikatzea (NIR, MIR, SSS ...)
  • Materialak eta partikulak sentsore bidez eta begiz detektatzea
• Prototipoak eta instalazio pilotuak garatzea
  • Hainbat eragiketa eta teknologia konbinatzearen emaitzazko birziklatze-sistemak eta lerroak garatzea eta ezartzea
  • Hondakinak tratatzeko, frakzioak bereizteko eta materialak birziklatzeko eskemen bideragarritasun-azterketak
• Balio erantsi handiko produktu eta aplikazio berriak definitzea eta garatzea, plastiko birziklatuak abiapuntu hartuta
• Berrerabiltzea
• Desmihiztatze aktiboa