Material plastikoak orain arte beiraz, zeramikaz edo metalez egiten ziren aplikazioetara zabaltzen ari dira. Elikaduraren kasuan, adibidez, gero eta plastiko gehiago garatzen dira ontzietarako, gero eta jasangarriagoak, eta gero eta propietate hobeak dituztenak, elikagaien segurtasuna eta kontserbazioa bermatzeko; gero eta ontzi eta elikadura-osagarri (mahai-tresnak, ontziteria…) gehiago ere egiten dira material horretatik abiatuz.
Testuinguru horretan, “Elikagaietako plastikoen migrazioa” mintegia prestatzen ari da maiatzerako GAIKER-IK4. Mintegian, indarrean dagoen legedia aztertuko da, elikagaiekin kontaktuan egoteko plastiko egokienak zein diren azalduko da, eta material berrien egungo egoera eta merkatura begira dituzten aukerak aztertuko dira. |
|